Udeh Kebiasaan Dari Orok
Udeh Kebiasaan Dari Orok
#AisyehMenungguCinte
#BetawiPunyeCerite
Jama'ah sudah berkumpul semua, Mamat langsung tampil ke depan untuk melakukan iqomah sebagai tanda dimulainya shalat berjamaah. Guru Mughni memimpin jalannya shalat berjamaah. Semua jama'ah mengikuti dengan tertib.
Imampun orang yang mempunyai kelebihan dari jama'ah lainnya. Bukan karena keturunan atau yang punya masjid atau langgar. Shalat berjamaah adalah ibadah yang sudah di atur dalam agama.
Ya, terkadang lucu saja, banyak kita temukan dari berbagai rumah ibadah dikuasai oleh keturunan walaupun keilmuan dan kewaraanya jauh di bawah jama'ah. Itulah sempitnya cara pikir kita, rumah ibadah yang berstatus wakaf dijadikan laksana kerajaan.
Ketika ada jama'ah yang romannya mempunyai kebiasaan dan ingin memakmurkan rumah ibadah, seperti orang yang kebakaran jenggot, ketakutan direbut itu rumah ibadah.
Apa yang terjadi? Sebagian jama'ah akhirnya shalat di langgar yang lain. Sementara mereka yang katanya keturunan jarang berjamaah di langgar. Ya, sedih saja liatnya.
Guru Mughni dari segi ilmu dan kewaraanya melebihi dari jama'ah, mangkanya guru Mughni dinobatkan menjadi iman di langgar kampungnya.
Di antara murid yang bagus keilmuan dan akhlaknya, yaitu si Mamat anak baba Hasan dan nyak Hindun.
Setelah usai shalat, biase si Mamat kagak pulang dulu, die kongkoh-kongkoh dulu ame tesen-tesennye. Apalagi udeh jarang ketemu, karena masing-masing udeh punye kesibukan.
"Waduh, Mat eluh tambah guateng, udeh kaye bintang flm. Bise entuh Aisyeh klepek-klepek," ujar Jali.
" Eluh, kalo ngomong belebihan Li. Gua biase aje kaye nyeng dulu," sangkal Mamat.
"Enggak Mat, emang eluh tambah guateng," timpal Bakar sambil bolak-balikin tubuh Mamat.
"Enggak kaye eluh, tambah Endut daaaaan....item...tem...teeeem," ledek Jali.
"Eluh juga, udeh kuntet buluk lagih, Hahahaha," bales Bakar.
"Yeeeeh, die pade beramtem. Nggak berubeh dari dulu, kalo ketemu kaye kucing ame anjing, riiiiiibut mulu," ujar Mamat.
"Die duluan Mat, nyeng ledek gua," sangkal Bakar.
"Udeh...Udeh......Luh emang samenye bedua, becande mulu...kite enih udeh gede, coba rubeh sifat kite jangan kaye bocah. Entar kelantasan beklai jadinye. Setiap kita punya kekurangan dan kelebihan masing-masing, liat kelebihannye aje kagak usah liat kekurangannye. Coba Luh pade perhatiin. Si Ifeh die punye tai lalat di bibir. Kalo kite liat tai lalatnye aje jelek banget, tapi jike kita liat keseluruhannye jadi manis," lerai Mamat sambil ngasih wejangan.
"Betul banget Mat, emangnye si Ifeh manis banget kaye gulali, mudah-mudahan dia jodoh ame gua," sela Bakar.
"Set bocah, si Mamat lagi jelasin die sela begitu aje, kaye si Ifeh demen aje ame eluh. Nyaca-ngaca duuut," ledek Jali.
"Het deh, lidah gua belum kering, eluh udah nyerocos aje," hardik Mamat.
"Entuh bacok kudu di sumpel, jangan ape nyablak aje," ketus Bakar.
"Udeh deh, gua pulang aje kalo begini terus," bentak Mamat.
"Eeeeeeeeeeh, jangan ganteng. Udeh aye diem aje.," Kate Bakar dan Jali sambil mingkemin mulut.
Mereka betige saling pandang, dan akhirnya mereka tertawa bertige sampe suarenye terdengar jauh.
"Huah hahahaha.... hahahaha.... hahahaha," tawa mereka bertiga memecah keheningan, mereka bertige sambil rangkulan.
"Saat begini nyeng ane rindukan, ketemu temen nyeng udeh lame dan kebiasaannye kagak berubah. Jadi ngangenin, setelah berpisah gua pembawaan serius terus. Jadi pulang kampung buat ngilangin stresss," ujar Mamat.
"Iye, Mat gue juga stresss kerja Mulu," timpal Jali.
"Same ame gue, bosen di rumeh Mulu, sementare si Ifeh lagi nginep ame ncangnye. Jadi rade kangen, hahahaha," timpal Bakar.
"Preeeeeet....," Ledek Jali.
"Li, mulai lagi..... " Mamat ngingetin
"Hehehehe, Udeh kebiasaan dari orok, Hahahaha," timpal Jali.
Ya, begitulah jika bertemu teman yang sudah cukup lama, Ade aje celetukan-celetukan nyeng masih diinget. Nyeng membuat suasane jadi Endah.
Udeh dulu ye...disuruh sarapan ame sate dan lontongnye.
Pantun dulu ah!
Bertamu ke Kebayoran lama
Ke Kebayoran lame naik mobil express
Kalo Udeh ketemu tesen lama
Ati enih menjadi presssss
Cing Ato Betawi Cakung
Komentar
Posting Komentar