Hanye Sekedar Ngingetin
Hanye Sekedar Ngingetin
Cing Ato Betawi Cakung
#AisyehMenungguCinte
#BetawiPunyeCerite
Mentari bersinar cukup cerah, secerah hati Mamat dan Aisyeh nyeng lagi diliputi rase rindu yang menggebu. Sementare hiruk pikuk para penumpang membuat suasane cukup rame
"Bang Mamat, udeh lame nungguin aye, ye ? Tanya Aisyeh.
"Nggak, Abang juga baru sampe satu jem nyeng lalu," timpal Mamat.
"Entuh, mah lame bang," kate Aisyeh.
"Buat Aisyeh, nggak ada istileh lame, atu taun menunggu abang juge siap," timpal Mamat.
"Bise aje Abang Mamat," timpal Aisyeh.
"Buat dapetin cinte Aisyeh abang rela melakukan ape saje," ngagul Mamat.
"Ehmmmmm.......," Ledek Aisyeh.
"Cobe aye mau tau, besok dateng ke rumeh aye." Tantang Aisyeh.
"Siape takut, demi Cinte tebelin kuping. Siap berhadapan ame calon nyak mertue nyeng rade galak," timpal Mamat.
"Hahahaha,...ok....pengen tau.tapi jangan lupe bawain kesukaan aye," pinte Aisyeh.
Dari terminal mereka melanjutkan perjalanan dengan mengendarai beca.
"Syeh, kite naik ape? Oplet ape beca." Tanye Mamat.
"Beca aje bang Mamat, biar agak Lamean. Tapi jangan dempetan, tetep jaga jarak, hehehehe," timpal Aisyeh.
"Lah iye lah, emang mau ngapein," sangkal Mamat.
"Cuman ngingetin bang, hehehehe...," Timpal Aisyeh.
"Iye, cantik pokoknye abang jage sebelum ade simnye. Abang nggak berani. Jangankan gitu-gituan nyentuh aje Abang kudu jage," timpal Mamat.
"Iye, bang. Ibarat kate kalo kite mau minum air di gelas airnye jangan dikobokin, nanti jadi kotor. Nah, kalo kotor enti ade kuman-kumannye. Bise bahaye deh.... Begitu juge kalo kite demen ame orang kudu kite jage baek-baek ye, kan bang," timpal Aisyeh.
"Iye, cantik.....udeh kaye ustadzah lagi cerameh. Udeh nggak buang pisan kaye guru Mughni. Cakep deh....," Timpal Mamat.
"Lah, kan aye emang anaknye. Seenggak-enggaknye pasti nurunin karakter babanye. Ibarat kate buah jatuh tidak jauh dari puunnye," timpal Aisyeh.
"Begitu juge jodoh Abang juge nggak jauh dari rumeh Abang,"timpal Mamat.
"Siape bang?" Tanya Aisyeh.
"Ade deh.....nggak boleh dikasih tau sekarang, masih butuh waktu," timpal Mamat.
"Bang siape si, Aisyeh jadi pengen tau, bang aye jadi penasaran....," Dengsek Aisyeh rase ingin taunye.
"Nah, entuh ade Beca. Kite samperin aje," ajak Mamat.
"Ye, si abang Aisyeh nanye dicuikin," gerutu Aisyeh.
"Entar dulu cantik, kite naik beca dulu enti kite terusin lagi. Ok, cantik," timpal Mamat.
Beliau berdua akhirnya naik beca untuk sampai ke rumah. Becapun melesat meninggalkan terminal lalu menyusuri jalan menuju kampungnye Mamat dan Aisyeh.
Dari Beca beliau berdua bisa menikmati pemandangan sawah nyeng luas membentang dari kampung nyeng atu ke kampung nyeng laen. Kondisi kampung memang diapit oleh sawah. Kuningnye padi menambah indahnya suasane, begitu juge para petani seneng melihat padinye nyeng cakep.
Nan jauh di sano terlihat segerombolan burung Peking sedang nandak-nandak serta melantunkan tembang lagu nyeng indeh di udare, karene seneng liat makanannye banyak banget.
Sementare pak tani udeh siap menghalau segerombolan burung nyeng nemplok dan makanin padinye. Dari dalam gubuk pak tani menarik-narik tali nyeng panjang dan diikatkan kaleng-kaleng rombeng agar terdengar suare. Hingga burung-burung budal pade ketakutan. Terkadang untuk mengelabui burung-burung pak tani juge membuat orang-orangan sawah.
Itulah suasane perkampungan endeh, sejuk, bebas polusi. Pokoknye endah aje deh. Ape lagi ame demenan berduaan. Kalo perlu entuh beca jalanye pelan-pelan biar lame nyampenye.
Tak terase perjalanan di bawa ngobrol udeh sampe ditegongan kampung.
"Lah, ude nyampe aje," kate Aisyeh.
"Bang setop udeh nyampe," pinta mamat.
Becapun brenti lalu Mamat dan Aisyeh turun dari beca.
" Aisyeh jalan duluan ye, nggak enak diliat orang kite lagi lerodan aje, biar Abang belakangan sambil ngawasin," pinta Mamat.
"Iye, bang....jangan lupe ye, hari Minggu aye tunggu di rumeh," timpal Aisyeh.
Aisyeh ngeloyor duluan bepengin sementare Mamat jalan blakangan. Sesekali Aisyeh nengok keblakang sambil ngumbar seyum ke Mamat. Mamatpun membalas seyuman Aisyeh sambil gerakin tangannya tanda Aisyeh disuruh jalan terus.
Sampai di depan gerbang Aisyeh nengok lagi sambil melambaikan tangan. Mamatpun membalasnya sambil tangak-tengok takut Ade nyeng liat.
Aisyeh masuk ke dalam rumah sementare Mamat belok menuju rumahnye. Ya, itulah Cinte anak mude masih ngumpet-ngumpet takut ketauan ame baba dan nyaknye. Maklum nyaknya Fatimeh nggak cocok ame Mamat.
Udeh dulu ye... .enti kite sambung lagi....
Pantun
Ke pasar beli pete
Pete dibeli buat tetangge
Kalo udeh same-same Cinte
Kudu harus saling menjage
Komentar
Posting Komentar